ياناس ذاك الجدار لا تهدمونه ....

يا ناس ذاك البيت لا تهدمونه
خلوه يبقى للمحبين تذكار
خلوه حب سنين خلفه ودونه
في داخله قصة مواليف واسرار
من يعشق الأطلال دمعه يخونه
لا صارت أقدامه على سكة الدار
عش الحمام اللي بعالي ركونه
رمز الوفا رمز المحبة والاصرار
إن جا قبال البيت لا تعذلونه
خلوه يبري علته لو بالأنظار
راعي الهوى لا حب تبكي عيونه
لا هاجت الذكرى على ماضيٍ صار
يا ما حلى الأيام كانت حنونه
يا ما حلى في مجلسه شبة النار
كم عاشق صابر وحرك شجونه
[size=29]عجايب الدنيا وميلات الأقدار